Teresa

公司前一排黎左個一年internship嘅鬼妹仔叫E, 本來無乜特別, 因為依個世界上, 一個人唔係男就係女.

依個鬼妹仔特別之處, 係個樣好似我十幾年前鍾意過嘅一個捷克女仔叫Teresa. 金色頭痛加藍色眼睛真係好靚. 本來都有幾會發展落去, 不過佢係暑假之後要返捷克讀大學, 所以唔可以一齊, 依家諗起都可惜. 如果無記錯, 佢今年應該三十一歲左右, 鬼仔鬼妹大得好快, 依家係街撞見, 我都未必認得佢.

New Routemaster

四月初Easter Bank Holiday, 去左London Piccadilly一次, 因為要見一個成一年半無見老朋友 (真係好老, 因為成七十幾歲).

我由屋企坐火車到左Victoria Station, 係要坐38號巴士. 以前坐依條線巴士都唔覺特別, 不過今次居然係坐New Routemaster. New Routemaster出現係保守黨倫敦市長"德政"之一. 雖然車頭同原本Routemaster唔同, 不過New Routemaster車尾仲保留左一個出口, 不過同原本Routemaster唁同, New Routemaster車尾出口有道門, 因為依個年代, 講Safety巳經去到白痴地步, 所以車尾要安道門. 我幾鍾意車廂設計, 車內以棗紅色為主, 再加射燈(好似係LED), 好睇過其它巴士用個淺藍色由牆身加白色光管, 因為我最討厭白色光.

新工作

係2014年新曆新年之後, 終於番新工. 依年幾係M工作量比CS多幾陪, 加上又要日日搭火車去Croydon, 辛苦不在話下, 仲搞到身體差左. 唯一開心係我可以design 一條box girder bridge, 一等就等左十二年至有機會.